June 07, 2018

we gaed into a pub

"Aw telt him that Aw was, and Aw started to carry up thae peppermints, and a damned hard job it was, man. They werena the ordinary pepperies, ye ken; they were great muckle things like curlin' stanes. Weelaweel, Aw got them a' carried up, and Aw was standin' wipin' the sweat frae my face when the Sultan comes anower to me.

"'Aye, captain,' says he, 'that'll be dry wark?'

"'Yes, sir,' says I, 'gey dry.'

"'Are ye a 'totaller?' says he.

"'No,' says I, and he taks me by the arm and says: 'C'wa and hae a nip!'

"Weel, we gaed into a pub, and he ordered twa nips ... aye, and damned guid whiskey it was too. We had another twa nips, and[Pg 68] Aw'm standin' wi' the Sultan at the door, just aboot to shak hands wi' him, ye ken, and he says to me, says he: 'Captain, wud ye like to see the harem?' and Aw said Aw wud verra much. So he taks haud o' my arm and we goes up the brae. We cam to a great muckle hoose, and he taks a gold key oot o' his pooch, and opens the door.

"Man, Aw never saw the likes o' yon! The floor was a' gold, and the window-blinds was gold. And the wemen! (The mariner conveyed his admiration by a long whistle.)

"Weel, Aw was standin' just inside the door wi' my bonnet in my hand, when a bonny bit lassie comes up to me and threw hersell at my feet and took haud o' my knees and sang: 'Far awa to bonny Scotland!'

"Man, the tears cam into my een as she was singin'.

Posted by: longac at 09:19 AM | No Comments | Add Comment
Post contains 285 words, total size 2 kb.

<< Page 1 of 1 >>
8kb generated in CPU 2.6308, elapsed 2.5993 seconds.
32 queries taking 2.0083 seconds, 59 records returned.
Powered by Minx 1.1.6c-pink.